Rrjedhja e informacionit të ndjeshëm për sulmet ajrore në Jemen nga administrata Trump ka shkaktuar reagime të forta në Uashington. Sipas një artikulli të The Atlantic, Jeffrey Goldberg zbuloi se ai ishte shtuar gabimisht në një grup të aplikacionit të koduar Signal, ku zyrtarë të lartë diskutonin planet ushtarake për sulmet.
Zëdhënësi i Këshillit të Sigurisë Kombëtare, Brian Hughes, konfirmoi vërtetësinë e bisedës në grup, që përfshinte emra të tillë si Sekretari i Mbrojtjes, Pete Hegseth, dhe zëvendëspresidenti JD Vance.
Demokratët kanë kërkuar hetim të menjëhershëm për këtë rrjedhje të informacionit. Lideri i pakicës në Senat, Chuck Schumer, e quajti këtë ngjarje “një nga shkeljet më tronditëse”.
“Këtu kemi liderë të lartë amerikanë, duke përfshirë zëvendëspresidentin dhe sekretarin e mbrojtjes, të cilët kanë deklasifikuar diskutimet e veprimit ushtarak për shkak të një aplikimi të pasigurt. Është mjaft keq që një qytetar privat iu shtua këtij zinxhiri, por është shumë më keq që informacionet e ndjeshme ushtarake u shkëmbyen në një aplikacion të paautorizuar, veçanërisht kur ai informacion i ndjeshëm ushtarak ishte kaq i rëndësishëm”, tha Schumer në një fjalim në senatin.
Ai theksoi, “është mjaft keq që një qytetar privat iu shtua këtij zinxhiri, por është shumë më keq që informacionet e ndjeshme ushtarake u shkëmbyen në një aplikacion të paautorizuar.”
“Operacionet ushtarake duhet të trajtohen me maturinë më të madhe, duke përdorur linja të miratuara dhe të sigurta të komunikimit, sepse jetët e amerikanëve janë në rrezik. Pamaturia e treguar nga kabineti i Presidentit Trump është befasuese dhe e rrezikshme. Unë do të kërkoj përgjigje nga administrata menjëherë.”, u shpreh ai.
Plani sekret i sulmeve në Jemen zbulohet aksidentalisht për gazetarët
