Kryeministri Edi Rama në takimin me qytetarët në Gramsh ka sulmuar edhe opozitën. Rama tha se ata kanë qëlluar me plumba mbi protestuesit para godinës së kryeministrisë. Ai tha se Partia Socialiste në këto 12 vite ka ndërtuar një Shqipëri tjetër që është afër te Bashkimi Evropian.
“Nuk ja kam marrë votën për të bërë sikur po bëjmë drejtësinë. Kanë vrarë disa herë, deri sa arritën e vranë nën dritaret e kryeministrisë. Ne në këto 12 vjet kemi ndërtuar një Shqipëri tjetër.
Kjo është një Shqipëri, e cila ka akoma nevojë të dëgjojë se do bëhet kjo rrugë dhe ajo rrugë. Në 12 vjet kemi bërë atë që s’ka bërë asnjë parti politike në Shqipëria. Kur ne kemi marrë detyrën i gjithë populli dukej i zhytur në borxhe. Prandaj ne jemi te pragu i BE.”, tha Rama.
