Kandidatja e Partisë Demokratike në qarkun e Vlorës, Ina Zhupa në rrjetin e saj ka ndarë një foto nga një qendër votimi në Finiq. Zhupa thotë se Dhimitër Llajo, kushëriri i kandidatit të Partisë Socialiste Vasil Llajo ka nxjerr fletën e votimit jashtë dhe udhëzon zgjedhësit.
Ajo shkruan se Partia Demokratike kërkon menjëherë bllokimin e qendrës së votimit në fshatin Dhivër.
“Fshati Dhivër, QV 4695, Bashkia Finiq! PD kërkon menjëherë bllokimin e qendrës!
Njoftojmë policinë dhe KZAZ për marrjen e vendimeve përkatëse sipas ligjit.
Informacioni që na vjen është se Dhimitër Llajo, kushëriri i kandidatit të PS Vasil Llajo, ka nxjerr fletën e votimit jashtë dhe udhëzon zgjedhësit.
Të gjithë do përballen me ligjin. Larg duart nga vota e qytetarëve, do ikni me turp,” shkruan ajo.
