Kryeministri Edi Rama nuk ka pranuar sot që të flasë për mediat për rezultatin e zgjedhjeve duke pritur fjalën e fundit nga KQZ.
I pyetur nga gazetarët, Rama ka refuzuar të japë një koment, duke u shprehur shkurtimisht “Të mbarojnë njëherë zgjedhjet, pastaj.”
Sipas të dhënave më të fundit, janë numëruar 4,967 nga 5,225 qendra votimi, që përbëjnë rreth 95% të totalit. Partia Socialiste kryeson me 52.06% të votave, që përkthehen aktualisht në 82 mandate.
Në vend të dytë është Koalicioni Partia Demokratike – Aleanca për Shqipërinë Madhështore (PD-ASHM) me 34.5%, që i sigurojnë 52 mandate deri në këtë moment.
