Një sulm me thikë ka ndodhur këtë të dielë në Bielefeld të Gjermanisë, ku një 35-vjeçar ka sulmuar kalimtarë rastësorë.
Pesë qytetarë janë plagosur, katër prej të cilëve janë në gjendje të rënduar shëndetësore. Policia ka njoftuar se viktimat janë të moshës midis 22 dhe 27 vjeç, dhe vijnë nga qytetet Bielefeld dhe Gütersloh.
Autoritetet janë vënë në kërkim të autorit, duke shpërndarë një fotografi dhe kërkuar informacion nga qytetarët për ta kapur.
Sipas policisë, nuk ka prova që sugjerojnë një motiv politik pas krimit.
