Një aksident i rëndë rrugor është shënuar paraditen e kësaj të diele në aksin rrugor Dhërmi–Himarë, ku janë përfshirë tre automjete.
Mjetet janë përplasur mes tyre duke shkaktuar dëme të konsiderueshme materiale dhe dëmtime të mëdha në automjete. Fatmirësisht, nuk raportohet për persona të lënduar.
Policia ka mbërritur menjëherë në vendngjarje dhe ka nisur hetimet për të zbardhur rrethanat dhe shkaqet që çuan në aksidentin rrugor. Lëvizja në segmentin përkatës është kufizuar përkohësisht, ndërsa po bëhet pastrimi i rrugës dhe rikthimi i qarkullimit normal.
