Presidenti Donald Trump u tha gazetarëve në samitin e G7 në Kanada të hënën se beson që Irani dëshiron të ulë tensionet në konfliktin e tij me Izraelin. Trump theksoi se Teherani “nuk po e fiton këtë luftë”.
“Ata do të donin të flisnin, por duhet ta kishin bërë këtë më parë. Unë kisha 60 ditë, dhe ata kishin 60 ditë, dhe në ditën e 61-të”, tha Trump.
Ai shtoi që: “Ata duhet të bëjnë një marrëveshje dhe kjo është e dhimbshme për të dyja palët, por do të thoja se Irani nuk po e fiton këtë luftë dhe ata duhet të flasin, dhe duhet të flasin menjëherë, para se të jetë tepër vonë.”
Trump pranoi që të tregojë se çfarë po u ofron SHBA Izraelit në këtë luftë.
“Ne gjithmonë e kemi mbështetur Izraelin. E kemi mbështetur fuqimisht për një periudhë të gjatë kohore, dhe Izraeli po ecën shumë mirë tani”, tha ai.
