Ushtria izraelite lëshoi një mesazh për qytetarët e Iranit, të shkruar në persisht. IDF (ushtria izraelite) në një njoftim të pazakontë në gjuhën persiane, po u thotë iranianëve të shqetësuar për situatën në vendin e tyre se duhet të marrin në konsideratë kontaktimin e Mossadit.
Mesazhi i IDF-së për iranianët
“Të dashur qytetarë të Iranit. Ne e kuptojmë situatën tuaj të vështirë në kushtet e vështira të krijuara nga regjimi. Ditët e fundit, kemi marrë shumë mesazhe nga njerëz të shqetësuar për të ardhmen aktuale të pasigurt.
Edhe ata që e identifikojnë veten si anëtarë të institucioneve të sigurisë së regjimit na kanë shprehur frikën, dëshpërimin dhe zemërimin e tyre për atë që po ndodh në Iran dhe na kanë kërkuar të komunikojmë me autoritetet izraelite në mënyrë që Irani të mos pësojë të njëjtin fat si Libani dhe Gaza”, thuhet në deklaratë.
“Në këtë pikë, është e nevojshme të sqarojmë se ne nuk jemi autoriteti i duhur për kërkesa të tilla. Por më e pakta që mund të bëjmë është t’ju referojmë nëpërmjet këtij linku në faqen e internetit të Mossadit”, shton IDF, duke përfshirë faqen e kontaktit për shërbimet e inteligjencës së Izraelit.
“Ndoshta atje do të gjesh një rrugë të re për të përmirësuar jetën tënde”, thuhet në deklaratë.
