Një ngjarje e rëndë ka ndodhur gjatë një ceremonie martesore në fshatin Goul pranë Avignonit në Francën juglindore.
Persona të panjohur hapën zjarr ndaj persona në dasëm, ku nusja 27-vjeçare humbi jetën. Ndërsa bashkëshorti i saj 25-vjeçar dhe një fëmijë 13-vjeçar janë shtruar në spital në gjendje të rëndë.
Sipas autoriteteve franceze, një nga autorët e dyshuar u vra gjatë një shkëmbimi zjarri, ndërsa një numër i panjohur bashkëpunëtorësh të tij arritën të arratisen.
Një operacion i madh është duke u zhvilluar për t’i gjetur ata, duke përfshirë dhjetëra oficerë policie dhe një helikopter. Ndërsa zyra e prokurorit ka hapur hetim për vrasje dhe tentativë vrasjeje.
