Një i burgosur është gjetur i vdekur mëngjesin e sotëm në burgun e Lezhës.
Bëhet fjalë për Allush Hysën, 35 vjeç, i cili vuante nga epilepsia, çrregullime të sjelljes dhe prapambetje mendore. Ai ndodhej në burg prej vitesh dhe po mbahej nën masën e “mjekimit të detyruar” që nga viti 2021, sipas një vendimi të gjykatës.
Hysa u gjet pa shenja jete rreth orës 07:00 në dhomën ku qëndronte, në katin e parë të njërës prej godinave të burgut.
Pas ngjarjes janë njoftuar menjëherë policia, prokuroria dhe familjarët e tij.
