Tedi Blushi ka denoncuar se kreut të Partisë së Lirisë, Ilir Meta, i është ndaluar komunikimi me gazetarët dhe avokatin e tij në paraburgimin “Jordan Misja”. Sipas Blushit, Meta mbahet në izolim të plotë dhe nuk lejohet të takohet me familjarët, deputetët apo bashkëpunëtorët e tij.
Blushi akuzon qeverinë për shtypje të lirisë së fjalës dhe frikë nga e vërteta, duke theksuar se masat represive janë intensifikuar pas një bisede telefonike të Metës me një gazetare. Ai shtoi se SPAK nuk ka asnjë provë që implikon Metën dhe e quajti këtë proces një “farsë të shekullit”, të cilën beson se do ta çmontojnë në Tiranë dhe Strasburg.
