Ministri i Jashtëm, Igli Hasani mori pjesë në ceremoninë e përurimit të ndërtesës së Konsullatës Greke në Korçë. Hasani tha se Greqi mbetet një partner i rëndësishëm i Shqipërisë dhe mbështet anëtarësimin në Bashkimin Evropian.
“Rinovimi i kësaj konsullate është një pikë referimi për dialog dhe një urë për qytetarët. Sot kemi mundësinë të ndërtojmë një partneritet të ri mbështetur në vizionin e së ardhmes. Le të jemi brezi që e bën këtë realitet një vizion të vërtetë”, tha ai.
Ndërsa ministri i Jashtëm i Greqisë, Greapetritis tha se japin prioritet stablilitetit jo vetëm në marrdhënie dy palëshe por edhe shumëpalëshe të rajonit.
“Është provë për të forcuar lidhjet e minoritareve me shtetin amë. Nga ana jone kujdeseni të forcojmë marrëdhëniet me fqinjët. Si vende fqinje ne u japim prioritet stabilitetit, jo vetëm në marrëdhëniet dy palëshe, por edhe shumëpalëshe të rajonit. Politikat e ndryshimit ter kufijve tani i përkasin të kaluarës. Dhe të gjitha këto janë histori të vjetra që nuk i interesojnë askujt, si shkruante Seferis. Ne nuk kemi për të bërë asnjë hap prapa në të drejtat për minoritetit grek. Prezenca juaj me Ministrinë e Jashtme ka forcuar marrëdhëniet. Minoriteti grek na bashkon dhe është një urë mirëkuptimi mes dy vendeve” tha ai.
