Dhjetë persona, përfshirë gjashtë fëmijë, janë vrarë në një sulm ajror izraelit, ndërsa prisnin të mbushnin kontejnerët e ujit në Gazën qendrore të dielën, thanë zyrtarët e shërbimit të emergjencës. Gjithashtu 16 persona janë plagosur, mes tyre shtatë fëmijë.
Një dron qëlloi një raketë drejt një turme që mbante radhë me bidona bosh pranë një cisterne uji në kampin e refugjatëve al-Nuseirat.
Një zëdhënës i Agjencisë së Mbrojtjes Civile të Gazës tha se 19 palestinezë të tjerë ishin vrarë të dielën, në tre sulme të ndara në ndërtesa banimi në Gazën qendrore dhe në Qytetin e Gazës.
