Ministrat izraelitë të Sigurisë Kombëtare dhe Financave, Itamar Ben Gvir dhe Bezalel Smotrich, kërkuan nga kryeministri Benjamin Netanyahu të urdhërojë pushtimin e plotë të Rripit të Gazës.
Kjo kërkesë u bë gjatë një mbledhjeje të kabinetit, ndërsa Netanyahu hodhi poshtë akuzat për bllokimin e armëpushimit me Hamasin.
Në një deklaratë, Netanyahu theksoi se Izraeli ka pranuar propozimet ndërkombëtare për armëpushim, por që Hamas ka refuzuar ato.
Ai ritheksoi objektivat kryesore të luftës: lirimin e pengjeve dhe shkatërrimin e Hamasit, duke insistuar se Gaza nuk mund të mbetet një kërcënim për Izraelin.
