Efektivi i plagosur nga operacioni në Korçë, Edison Adri që mori plagë në nofull ndodhet në spitalin e Traumës ku po kurohet në mënyrë të specializuar. Kolegu i tij Enea Mekolli mbeti i vrarë në operacion.
Autori, Violand Braçellari, gjithashtu mbeti i plagosur gjatë aksionit të policisë. Drejtori i Policisë, Skënder Hita u shpreh se për operacionin ka nisur një hetim për mënyrën e organizimit.
“Humbëm një baba, një familjar të përkushtuar dhe policia humbi shërbëtorin e saj. Edhe një polic është rëndë, po merr ndihmën e plotë mjekësore. Personi në kërkim është plagosur, ndodhet në spitalin e Korçës.
Kjo është një ngjarje nga ato që të lë pa fjalë. Hetimet kanë filluar për operacionin. Pas këtij momenti do të largohem drejt Korçës” tha ai. I plagosuri Edison Adri ka lëndime në pjesën e qafës dhe kokës.
Vrau policin/ Kush është ish-ushtaraku që u kthye në trafikant, jetonte në stan
