Sot në orën 09:00 në Gjykatën Themelore të Prishtinës vazhdon gjykimi për vrasjen e Liridona Ademajt. Në seancë pritet të dëshmojë Leonard Ademaj, vëllai i viktimës.
Para dy ditësh, Instituti i Psikiatrisë Forenzike konfirmoi se Naim Murseli, i akuzuar për organizimin e vrasjes, nuk vuan nga ndonjë çrregullim mendor dhe ka qenë plotësisht i vetëdijshëm për veprimet e tij.
Në seancën fillestare, Murseli u deklarua i pafajshëm, ndërsa njëri nga të pandehurit pranoi fajësinë dhe u dënua me 5 vite burg dhe gjobë.
Aktakuza thotë se Murseli, për shkak të konflikteve familjare dhe përfitimeve financiare nga një policë jete në emër të viktimës, ka planifikuar vrasjen dhe ka siguruar armën përmes bashkëpunëtorëve të tij.
