Shqipëria po përjeton një moment të favorshëm në procesin e integrimit në Bashkimin Europian, me ritme që po cilësohen si më të shpejtat ndonjëherë.
Vlerësimet e fundit nga Brukseli sugjerojnë se përmbyllja e negociatave deri në vitin 2027 është një objektiv i arritshëm, nëse shoqëria shqiptare mbetet e angazhuar në reformat kyçe.
“Negociatat për anëtarësimin e Shqipërisë në BE po përparojnë me një ritëm të paprecedentë, siç dëgjuam, me disa pika të rëndësishme që janë përmbushur tashmë gjatë muajve të fundit dhe të tjera që pritet të arrihen.
Shqipëria është angazhuar seriozisht në procesin e zgjerimit, ndërkohë që BE-ja po vepron duke respektuar qasjen e bazuar në meritë.
Zgjerimi është një projekt që përfshin të gjithë shoqërinë, dhe për të arritur objektivin ambicioz, por realist të Shqipërisë për të mbyllur të gjitha kapitujt e negociatave deri në fund të vitit 2027, do të nevojitet angazhim i plotë nga e gjithë shoqëria shqiptare.”
