Banorët e Gazës këtë vit do të kenë vështirësi të mëdha për të udhëtuar në Haxh dhe për të festuar Kurban Bajramin sipas traditës, për shkak të kufizimeve që vendos Izraeli në pikën kufitare Rafah, porta kryesore për të dalë nga Gaza drejt Egjiptit.
Përpara shpërthimit të konfliktit në vitin 2023, rreth 3,000 pelegrinë nga Gaza kryenin çdo vit udhëtimin e Haxhit. Pas armëpushimit të ndërmjetësuar nga SHBA-të, vetëm disa qindra persona lejohet të kalojnë çdo javë, kryesisht pacientë dhe shoqëruesit e tyre.
Një nga banorët e zonës shprehu shqetësimin e tij: “Kalimi kufitar është i mbyllur. Pse po u ndodh kjo pelegrinëve? Ata duan të përmbushin detyrimin e tyre të Haxhit, nuk duan të bëjnë asgjë tjetër.”
Ministria e Bujqësisë e Gazës njoftoi se fushata ushtarake izraelite ka shkatërruar sistematikisht sektorin e blegtorisë, duke goditur ferma, hambare dhe depo ushqimore, duke e bërë të pamundur për shumë familje që të përgatitin Kurban Bajramin me ritualet e zakonshme.
