Gjatë aksionit për lirimin e hapësirave publike në Tiranë, Inspektorati i Mbrojtjes së Territorit (IMT) ka njoftuar 1428 subjekte, ka kryer 352 çmontime vullnetare dhe ka vendosur 32 akt-konstatime kundravajtjeje.
Në total, janë liruar 17,334 metra katrorë hapësira publike, kryesisht në akset kryesore të qytetit.
IMT bën me dije se aksioni do të vijojë në çdo cep të Tiranës, duke zbatuar urdhrin e kryeministrit Edi Rama për një “rifreskim” të administratës dhe forcimin e kontrollit pas një periudhe kritikash dhe ndryshimesh në nivelet lokale.
