Zv.kryeministrja Belinda Balluku ka ndjekur sot nga afër situatën e heqjes së subjekteve tregatre në aksin Kombinat-Ndroq-Plepa. Balluku u shpreh se aksioni për lirimin e hapësirave publike do të vijojë.
Ajo bëri thirrje që qytetarët të ndërgjegjësohen dhe ti lirojnë vetë hapësirat publike.
“Duhet të lirohen të gjitha hapësirat, të respektohen distancat nga asfalti. Edhe në aksin e Niklës situata është alarmante, ne do të jemi aty në ditët në vijim”, tha ajo.
“Zero tolerancë për të gjitha subjektet që, jashtë çdo kriteri, janë vendosur pranë akseve rrugore, duke u kthyer në rrezik për përdoruesit e rrugës”, shtoi Balluku.
