Policia e Korçës ka arrestuar 26-vjerçarin Konstandin Dramolli i cili thyeu xhamat e bashkisë në shenjë proteste ndaj aksioneve të qeverisë për lirimin e hapësirave publike.
26-vjeçari është ish portier i njohur i futbollit shqiptar dhe njihet me emrin artistik “Çekiçi 14” pas tërheqjes nga futbolli. Ai është aktualisht aktiv në skenën e muzikës “rap”.
Dramolli ka qenë pjesë e ekipeve si Skënderbeu, ku është shpallur kampion me ekipin U-19 – Bylis, Pogradeci, Maliqi dhe Pierikos në Greqi.
Ngjarja u filmua nga vetë Dramolli, i cili gjatë transmetimit dëgjohet të thotë: “Shiko si sulmohet bashkia”.
Sipas tij, revolta erdhi si pasojë e prishjes së disa strukturave në lagjen nr. 14, ku ai jeton prej vitesh.
