Kryeministri britanik Keir Starmer e quajti planin e Izraelit për të “mposhtur” Hamasin në Gaza një gabim dhe i kërkoi qeverisë së Benjamin Netanyahu që ta rishqyrtojë menjëherë.
Starmer tha se ofensiva do të sjellë vetëm më shumë vrasje dhe nuk do të përfundojë konfliktin apo lirimin e pengjeve.
Ndërkaq, kabineti izraelit miratoi planin e Netanyahut për të marrë kontrollin ushtarak të qytetit të Gazës, për të çarmatosur Hamasin dhe për të vendosur një qeveri alternative civile, jashtë kontrollit të Hamasit dhe Autoritetit Palestinez.
Qeveria izraelite premton edhe ndihma humanitare për civilët jashtë zonave të konfliktit, me qëllim përfundimin e luftës që po vazhdon prej më shumë se 22 muajsh.
