Më 18 maj, qyteti i Tiranës do të përjetojë kufizime të përkohshme të trafikut për shkak të zhvillimit të “Turit Çiklistik të Shqipërisë 2026”, njoftoi Policia Bashkiake.
Nga ora 12:00, disa rrugë dhe bulevarde kryesore do të jenë të mbyllura, duke prekur Sheshin “Skënderbej”, bulevardet “Zogu i Parë”, “Dëshmorët e Kombit”, “Gjergj Fishta”, si dhe segmente të Unazës së Madhe dhe itinerarit Tiranë – TEG – Thumanë – Milot – Rrëshen – Reps.
Autoritetet i bëjnë thirrje qytetarëve dhe shoferëve të planifikojnë rrugë alternative për të shmangur trafikun dhe vonesat gjatë zhvillimit të aktivitetit.
