Presidenti i Shteteve të Bashkuara, Donald Trump ka deklaruar se së shpejti do të shpallë vendin ku do të zhvillohet takimi me homologun rus, Vladimir Putin.
“Takimi mund të ishte zhvilluar edhe më herët, por, për fat të keq, ka pasur masa sigurie që duhej të merreshin parasysh. Përndryshe, do ta kisha realizuar shumë më herët,” tha Trump.
Ai shtoi se në një marrëveshje të mundshme paqeje mes Rusisë dhe Ukrainës do të përfshihet një “kthim” dhe një “shkëmbim” territorësh.
“Evropa dëshiron të shohë paqe. Besoj se Putin dëshiron të shohë paqe. Edhe Zelensky dëshiron të shohë paqe,” u shpreh presidenti amerikan gjatë deklaratës nga Shtëpia e Bardhë.
