Komisionerja Evropiane për Zgjerimin, Marta Kos ka reaguar pas protesta të mbrëmshme në Serbi. Kos me anë të një postimi në platformën X i cilësoi si thellësisht shqetësuese.
“Raportet për dhunë gjatë protestave të fundit në Serbi janë thellësisht shqetësuese. Progresi në rrugën drejt BE-së kërkon që qytetarët të jenë në gjendje të shprehin lirisht pikëpamjet e tyre dhe gazetarët të raportojnë pa frikësim apo sulme”, shkroi Kos.
Protestat në disa qytete të Serbisë u shoqëruan dhunë fizike dhe trazira. Ndërsa në Novi Sad ambienteve të partisë SNS iu vu flaka.
Ministri serb i Punëve të Brendshme, Ivica Daçiç, tha sot se disa oficerë policie pësuan lëndime serioze, si dhe se pesë automjete zyrtare të policisë dhe 22 pajisje u dëmtuan. Ai deklaroi se ka më shumë se 70 deri 80 qytetarë të lënduar nga përplasjet.
