Kryetari i Bashkisë Shkodër, Benet Beci, njoftoi se deri tani janë liruar mbi 470 hapësira publike në 12 akse kryesore të qytetit si pjesë e aksionit për të çliruar hapësirat publike.
Përveç kësaj, vijon verifikimi i 200 ankesave të depozituara në portalin “Hapësira Ime”. Gjatë këtij aksioni janë vendosur 121 gjoba dhe janë përpiluar 386 akte konstatimi.
Beci theksoi angazhimin e Bashkisë Shkodër për të siguruar hapësira publike të lira dhe të aksesueshme për qytetarët.
