Shefat e Mbrojtjes të vendeve anëtare të NATO-s zhvilluan një videokonferencë për të diskutuar zhvillimet më të fundit në negociatat për Ukrainën dhe çështjet e sigurisë në rajon.
Admirali Giuseppe Cavo Dragone, Kryetar i Komitetit Ushtarak të NATO-s, deklaroi se takimi ishte i frytshëm dhe u karakterizua nga një unitet i qartë mes aleatëve.
“Prioriteti ynë mbetet një paqe e drejtë, e qëndrueshme dhe e besueshme për Ukrainën,” shkroi ai në rrjetin social X.
Në takim mori pjesë edhe Komandanti i ri Suprem i Forcave Aleate për Evropën (SACEUR), Gjenerali Alexus Grynkewich, i cili ofroi një analizë të detajuar mbi situatën aktuale të sigurisë në kontinentin evropian.
