Një zjarr i përmasave të konsiderueshme ka përfshirë këtë të shtunë një sasi trarësh druri pranë linjës hekurudhore Fier-Vlorë.
Materialet e djegshme, të përdorura për infrastrukturën hekurudhore, kanë bërë që zjarri të prodhojë shtëllunga të mëdha tymi që kanë mbuluar një pjesë të qytetit të Fierit dhe zonat përreth.
Dyshohet se zjarri mund të jetë i qëllimshëm, megjithëse shkaqet e sakta nuk janë konfirmuar ende nga autoritetet.
Në vendngjarje ndodhen dy mjete dhe forcat zjarrfikëse të Fierit, të cilat po punojnë për shuarjen e flakëve dhe parandalimin e përhapjes së mëtejshme.
