Gjatë operacionit “The Wanted” u arrestuan në Itali dy vëllezër të kërkuar ndërkombëtarisht Erion Hoti dhe Klodjan Hoti të cilët pritet të ekstradohen në Shqipëri.
Erion Hoti 35 vjeç është dënuar për vjedhje me dhunë dhe përkrahje të autorit të krimit pasi më 7 shkurt 2021 vodhi një automjet para dhe një celular në një fabrikë qumështi.
Ai dyshohet edhe se ka ndihmuar një person tjetër të shpallur në kërkim për kalim të paligjshëm të kufijve.
Vëllai i tij Klodjan Hoti, 31 vjeç ka marrë 4 vite e 4 muaj burg për kultivim të bimëve narkotike.
Në 2019 u kap duke kultivuar mbi 1300 fidanë në një serë në Martanesh, dhe ka ende për të vuajtur rreth një vit e gjysmë burgim.
Interpol Tirana dhe Roma po punojnë për ekstradimin e tyre drejt Shqipërisë.
