Mbrëmjen e djeshme, Drejtoria Vendore e Policisë Durrës finalizoi operacionin e koduar “The Next Gun”, duke arrestuar dy persona, A.M., 39 vjeç, dhe A.H., 23 vjeç, të dy banues në Durrës. Gjatë ndalimit u sekuestrua një pistoletë me fishek gati për qitje.
39-vjeçari A.M. konsiderohet person me rrezikshmëri të lartë shoqërore dhe ka precedentë kriminalë në fushën e krimeve kundër personit dhe armëmbajtjes pa leje.
Ai ishte në kërkim për ngjarjen e 13 gushtit 2025, ku u vendos lëndë eksplozive në banesën e I.G. në lagjen nr.14 të Durrësit.
Policia njoftoi se operacione të ngjashme do të vijojnë për parandalimin e ngjarjeve kriminale dhe kapjen e personave me rrezikshmëri të lartë në qarkun e Durrësit.
