Janë publikuar pamjet nga një përplasje e dhunshme që ndodhi në një lokal në Korçë, ku dy grupe personash janë përfshirë në një konflikt fizik brutal.
Sipas pamjeve, sherri nisi fillimisht me grushte, por më pas u përdorën edhe karriget e lokalit dhe shkopinj bejsbolli. Ngjarja dyshohet të ketë ndodhur për motive banale dhe nën efektin e alkoolit.
Burime nga policia konfirmojnë se deri më tani janë arrestuar 9 persona, ndërsa hetimet vijojnë për të identifikuar dhe ndaluar të tjerë të përfshirë në sherr. Dyshohet se disa nga të arrestuarit janë edhe të plagosur.
Autoritetet janë duke analizuar pamjet filmike për të dokumentuar plotësisht rrethanat e incidentit dhe për të marrë masa ndaj të gjithë përgjegjësve.
