Policia e Tiranës ka arrestuar 39-vjeçarin Xhiljon Hoxha. Ai nxiste 3 të mitur të moshave 12 dhe 13 vjeç që të kryenin vjedhje në zona të ndryshme të Tiranës.
Nga hetimet 39-vjeçari ishte i dënuar më parë për të njëjtin krim, për të cilin shtynte të miturit.
Ndërkohë po vijojnë hetimet për të dokumentuar veprimtarinë kriminale të 39-vjeçarit, në fushën e vjedhjes së pronës dhe pasurisë. Materialet procedurale iu referuan Prokurorisë së Tiranës, për veprime të mëtejshme.
