Kombëtarja shqiptare e futbollit zhvilloi mëngjesin e sotëm një seancë stërvitore në Malaga, pas fitores 1-0 ndaj Gjibraltarit ku golin e vetëm shënoi Jasir Asani nga penalltia në minutën e 69-të.
Lojtarët që luajtën gjatë ndeshjes u përqendruan në rikuperim dhe ushtrime të lehta, ndërsa ata pa minutazh realizuan stërvitje të plotë.
Pasditen e sotme, ekipi do të niset drejt Tiranës për të vazhduar përgatitjet për ndeshjen kualifikuese të Kupës së Botës ndaj Letonisë.
Kjo ndeshje e rëndësishme në Grupin K do të luhet më 9 shtator në stadiumin “Air Albania” nga ora 20:45, ku Shqipëria synon të mbajë gjallë shpresat për kualifikim në botëror.
