Hamasi ka njoftuar përfundimin e një vizite zyrtare në Egjipt, ku delegacioni i tij zhvilloi takime me fraksione palestineze, figura publike dhe biznesmenë, me qëllim koordinimin e përpjekjeve për ndaljen e luftës në Gaza dhe veprimeve izraelite në Bregun Perëndimor.
Sipas një deklarate zyrtare, vizita synonte forcimin e konsultimeve dhe hartimin e një plani kombëtar veprimi. Hamasi akuzoi Izraelin për intensifikimin e “gjenocidit” dhe përpjekje për “ripushtimin e Qytetit të Gazës”.
Fraksionet ranë dakord të vazhdojnë përpjekjet për armëpushim dhe mbështetje ndaj popullit palestinez në Gaza, Bregun Perëndimor dhe Jerusalemin e pushtuar.
