Kosova javën e kaluar ka pranuar fluturaket pa pilot AeroVironment RQ-20 Puma, të blera nga Shtetet e Bashkuara.
Ministri i Mbrojtjes në Kosovë, Ejup Maqedonci me anë të një postimi në rrjetet sociale shprehet se këta dronë janë blerë përmes programit shtet më shtet dhe se pagesa për këto fluturake është realizuar më 2021.
“Flututuraket Puma krahas fluturakeve tjera janë një kapacitet tjetër i nevojshëm për rritjen e aftësive të FSK në fushën e sistemeve ajrore pa pilot.
Bashkëpunimi me ShBA në fushën e mbrojtjes po thellohet dhe zgjerohet vazhdimisht duke kontribuar në zhvillimin e ushtrisë tonë si dhe në arritjen e interesave të përbashkëta të dy vendeve tona.”, shprehet Maqedonci.
