Misioni i OSBE-së në Kosovë, ka reaguar për mbylljen e fundit të zyrave paralele në Mitrovicë. Në reagim ata shprehen se kjo ndërprerje godet të moshuarit, personat me aftësi të kufizuara dhe familjet me alternativa të kufizuara më së vështiri.
“Misioni gjithnjë e më i shqetësuar për ndikimin njerëzor të mbylljes së fundit të ofruesve të shërbimeve në Mitrovicën e Veriut tek komunitetet jo shumicë të cilët mbështeten në këto zyra për kujdes shëndetësor, pagesa pensionesh, materiale shkollore dhe mbështetje sociale.
Ndërprerjet e këtyre shërbimeve godasin proporcionalisht të moshuarit, personat me aftësi të kufizuara dhe familjet me alternativa të kufizuara më së vështiri.
Çdo masë që prek shërbimet publike duhet të sigurojë qasje të pandërprerë për të gjitha komunitetet ndërsa mosmarrëveshjet adresohen përmes Dialogut të lehtësuar nga BE dhe me konsultim vendor domethënës.
Misioni do të vazhdojë të monitorojë situatën nga afër si pjesë e mandatit të tij të paralajmërimit të hershëm dhe mbështetjes për komunitetet rezistente dhe gjithëpërfshirëse.”, thuhet në reagim.
