Gjykata e Dibrës ka shpallur moskompetencën për hetimin e çështjes së vrasjes së 23-vjeçarit Renis Dobra dhe ka vendosur transferimin e dosjes në Prokurorinë e Posaçme Kundër Korrupsionit dhe Krimit të Organizuar (SPAK).
Gjatë seancës gjyqësore të zhvilluar sot, gjykata ka vendosur masën e sigurisë “arrest në burg” për dy vëllezërit Kristi dhe Aleksandër Bushgjokaj, të cilët dyshohen për përfshirje direkte në ngjarje.
Në kuadër të hetimeve për këtë vrasje janë arrestuar më herët edhe Fatjon Bushgjokaj dhe Petrit Çakrri, duke e çuar në katër numrin e personave të ndaluar.
