Polonia do të rrëzojë çdo avion ose raketë ruse që kalon në hapësirën e saj ajrore, tha Ministri i Jashtëm Radoslaw Sikorski në një takim urgjent të Këshillit të Sigurimit të OKB-së të hënën.
“Ju jeni paralajmëruar”, tha Sikorski.
“Nëse një raketë ose avion tjetër hyn në hapësirën tonë ajrore pa leje qoftë me qëllim ose gabimisht dhe rrëzohet dhe rrënojat bien në territorin e NATO-s, ju lutem mos vini këtu për t’u ankuar për këtë”, shtoi ai.
Moska u përgjigj duke thënë, “as Varshava dhe as Brukseli nuk kanë nevojë për të vërtetën”.
Zëvendësambasadori rus në OKB, Dmitry Polyansky, e quajti takimin pjesën e dytë të spektaklit “fajësoni Rusinë për gjithçka” .
