Sekretari i NATO-s, Mark Rutte ka theksuar angazhimin e pakundërshtueshëm për mbrojtjen kolektive të vendeve anëtare. Rutte bëri thirrje për unitet dhe paralajmëroi se organizata është e gatshme të veprojë në çdo rast që kërcënon aleatët.
“Ne konfirmojmë edhe njëherë se angazhimi ynë i përbashkët për mbrojtje kolektive është i palëkundur,” tha ai.
Më pas shtoi se NATO nuk dëshiron të shohë vazhdimin e këtij modeli të rrezikshëm nga Rusia, qoftë ai i qëllimshëm apo aksidental.
“Jemi të gatshëm dhe të vendosur të mbrojmë çdo centimetër të territorit aleat”, tha Rutte.
