Drejtoresha e Shërbimit Informativ të Shtetit (SHISH), Vlora Hyseni ka zhvilluar sot një vizitë zyrtare në selinë e NATO-s në Bruksel. Ajo u prit nga Sekretari i Përgjithshëm i Aleancës, Mark Rutte.
Ata në takim diskutuan për klimën për sigurinë euroatlantike dhe sfidat e reja që lidhen me stabilitetin rajonal dhe global.
Takimi kishte në fokus intensifikimin e bashkëpunimit mes agjencive të inteligjencës të vendeve anëtare dhe vetë strukturave të Aleancës, për të përballuar rreziqet në rritje, përfshirë kërcënimet hibride, kibernetike dhe terrorizmin ndërkombëtar.
