Tre ditë pas vendimit të Gjykatës së Lartë që i riktheu fuqinë mbi aeroportin e Vlorës, Behgjet Pacollit, qeveria përmes Ministrisë së Infrastrukturës dhe Energjisë ka reaguar duke vendosur ultimatum për hapjen sa më shpejt dhe nisjes e fluturimeve që duhet të kishte ndodhur që në pranverë sipas kontratës.
Ministri Enea Karakaçi u ka lënë 30 ditë afat kompanive“2A Group” dhe “Mabco” që janë në gjyq për të gjetur një zgjidhje që do të çojë në vijimin e punimeve me qëllim mbylljen brenda afateve.
Në rast se situata nuk zgjidhet brenda këtij afati, atëherë ministria bën me dije se do të veprojë me penalitetet që parashikon kontrata dhe legjislacioni në fuqi.
