Ish-presidenti amerikan Donald Trump ka njoftuar vendosjen e një tarife të re prej 100% ndaj filmave të prodhuar jashtë territorit të Shteteve të Bashkuara, duke akuzuar vendet e huaja për dëmtimin e industrisë amerikane të kinematografisë.
Në një deklaratë të bërë publike së fundmi, Trump shprehu shqetësimin se prodhimet ndërkombëtare po minojnë konkurrencën e brendshme dhe po zhvendosin qendrat tradicionale të xhirimeve, si Kalifornia. Ai e krahasoi situatën me “t’i marrësh një karamele një fëmije”, duke fajësuar udhëheqjen lokale për mungesë veprimi dhe mbrojtjeje ndaj industrisë filmike amerikane.
Trump tha se kjo tarifë përfaqëson një masë mbrojtëse ndaj një “problemi të vjetër”, që sipas tij ka dëmtuar ekonominë kreative amerikane prej vitesh.
Në përmbyllje të deklaratës, ai theksoi se do të vijojë të mbrojë interesat kombëtare në çdo fushë, përfshirë edhe industrinë e argëtimit, duke e mbyllur fjalën me sloganin e tij të njohur: “Make America Great Again.”
