Një automjet tip Peugeot është gjetur plotësisht i djegur mbrëmjen e së premtes, më 3 tetor, rreth orës 21:30, pranë një impianti për përpunimin e inerteve në zonën e Tapizës.
Gjatë këqyrjes së vendit të ngjarjes, policia gjeti në brendësi të automjetit dy armë zjarri automatike dhe një krehër, duke ngritur dyshime të forta për një ngjarje kriminale.
Shërbimet e Policisë po vijojnë hetimet për të identifikuar dhe ndaluar autorët, si dhe për të zbardhur rrethanat e plota të rastit.
