Bisedimet ndërmjet Izraelit dhe Hamasit për të ndaluar luftimet në Rripin e Gazës janë në një fazë shumë të avancuar, duke u fokusuar kryesisht te tërheqja e trupave izraelite dhe shkëmbimi i pengjeve me të burgosur palestinezë, raporton Reuters.
Hamasi ka kërkuar që tërheqja të jetë e qartë dhe e detyrueshme, e lidhur me lirimin gradual të pengjeve. Ata kanë dorëzuar tashmë listat me emrat e të burgosurve palestinezë që kërkojnë të lirohen, ku përfshihen figura të rëndësishme si Maruan al-Barghouti dhe Ahmed Saadat.
Burimet pranë negociatave thonë se marrëveshja për armëpushim mund të arrihet brenda 48 orëve, me një mundësi që njoftimi zyrtar të bëhet në ditët në vijim. Qeveria izraelite ka nisur punën për një draft rezolute që duhet të miratohet për të lejuar lirimin e të burgosurve.
Kjo marrëveshje pritet të sjellë një qetësim të situatës së tensionuar dhe hap një rrugë për zgjidhje më të qëndrueshme në rajon.
