Kreu i SPAK, Altin Dumani ngriti tonet kur u pyet nga deputeti i Partisë së Lirisë, Tedi Blushi në Komisionin e Ligjeve nëse ishte takuar me ish-agjentin e FBI-së Charles McGonigal, të dyshuar për afera të paligjshme që përfshijnë edhe Shqipërinë.
“Ishte e bukur kjo, a jam takuar me Charles McGonigal. Se si mund të bësh një pyetje të tillë, nuk e di. Që të bësh një pyetje të tillë duhet një indicie, një e dhënë. Ku është një indicie, një e dhënë?! Ore unë jam Altin Dumani, përfaqësoj Prokurorinë e Posaçme.
Opinionin publik e mbushët, ka takuar McGonigal, pa asnjë përgjegjësi, pa pikë përgjegjësie! Edhe emrin dhe figurën për herë të parë në janar 2023 u publikuan të dhëna apo fakte për një aferë të mundshme të McGonigal”, tha Dumani.
