Një banor i Manzës, i tronditur nga ngjarja e rëndë ku humbën jetën dy të rinj, tregoi për gazetarët se njërin prej viktimave, Aranit Kurtin, e kishte kushëri dhe e konsideronte djalë shumë të mirë.
“Na ka tronditur, por tani ndodhi. S’ke ça bësh. Njëri ishte kushëri. E kam marrë vesh nga televizori. Aranit ishte djalë i mirë,” tha ai.
Ngjarja, që u shkaktua për motive banale, ka filluar pas një mosmarrëveshjeje për fikjen e ekspresit të kafesë.
Sipas policisë, Flori Paluçi vrau me armë Aranit Kurtin, ndërsa dyshohet se Daniel Pepa qëlloi dhe vrau Paluçin. Pepa është ende në kërkim nga policia.
