Komisioni i Sigurisë Kombëtare i Knessetit ka miratuar një projektligj që parashikon rikthimin e dënimit me vdekje për sulmuesit terroristë, duke hapur një debat të madh politik dhe ligjor. Nismën e ka mbështetur ministri i ekstremit të djathtë për Sigurinë Kombëtare, Itamar Ben-Gvir, ndërsa projektligji është depozituar nga deputetja e partisë së tij, Otzma Yehudit.
Sipas ndryshimeve të Kodit Penal, çdo person i dënuar për vrasje të motivuar nga urrejtja ose racizmi do të përballet me dënim të detyrueshëm me vdekje, pa mundësi lëshimi nga gjykata.
Ligji tani shkon për votim në seancën plenare të Knessetit, ku duhet të kalojë tri lexime për t’u bërë ligj. Ben-Gvir ka paralajmëruar se do të tërheqë mbështetjen për projektligjet e tjera të koalicionit nëse votimi nuk kryhet deri më 9 nëntor.
Ky vendim pritet të ndryshojë qasjen e Izraelit ndaj terrorizmit dhe të shkaktojë debat të fortë brenda dhe jashtë vendit.
