Deputeti i Partisë Demokratike, Belind Këllëçi, ka kërkuar përjashtimin nga seanca të Taulant Ballës, kreut të Grupit Parlamentar të PS-së, duke e akuzuar për fyerje ndaj deputetëve të opozitës.
Këllëçi theksoi se Balla kishte përdorur fjalë ofenduese për opozitarët dhe kishte kërcënuar deputetin Balliu.
Ai kërkoi ndërprerjen e seancës për 10 minuta dhe hapjen e kamerave për të verifikuar nëse fjalët e Ballës ishin fyese apo jo.
“Pak më parë kreu i grupit të PS, përveçse gënjeu me propagandë, fyeu deputetët e opozitës kur tha: ‘Nuk jam si rraca e tyre, gënjeshtar, dhe kërcënoi deputetin Balliu.”
