Kryeministri i Shqipërisë, Edi Rama, ka nisur një vizitë zyrtare në Mbretërinë e Holandës, ku u prit nga Kryeministri holandez, Dick Schoof.
Takimi mes dy krerëve të qeverive u vlerësua si një hap i rëndësishëm në forcimin e marrëdhënieve dypalëshe dhe zgjerimin e bashkëpunimit mes dy vendeve.
Në një reagim të shpërndarë në rrjetet sociale, Rama u shpreh se diskutimet me homologun e tij janë fokusuar tek partneriteti strategjik, bashkëpunimi ekonomik dhe çështje të tjera me interes të përbashkët për të ardhmen e dy vendeve.
“Me Kryeministrin e Mbretërisë së Holandës, Dick Schoof. Një takim i rëndësishëm për forcimin e partneritetit dypalësh dhe thellimin e bashkëpunimit me Holandën”, shkroi Rama.
