Kreu i Grupit Parlamentar të PD-së, Gazment Bardhi këtë të hënë me anë të një video-mesazhi në rrjetin e tij facebook ka njoftuar se Partia Demokratike sot në Kuvend ka depozituar zyrtarisht një paketë ligjore që bashkon intersein publik me atë të anëtarësimit të Shqipërisë në BE.
Paketa ligjore përfshin:
1. Shfuqizimin e ligjit për Investimet Strategjike.
2. Shfuqizimin e ndryshimeve në ligjin për Zonat e Mbrojtura.
3. Shfuqizimin e ligjit për Paketën e Maleve.
4. Shfuqizimin e disa dispozitave në ligjin për Trashëgiminë Kulturore.
Postimi i Bardhit
Grupi Parlamentar i Partisë Demokratike sapo ka depozituar zyrtarisht sot në Kuvend një paketë ligjore që bashkon interesin publik me interesin e anëtarësimit të Shqipërisë në Bashkimin Europian.
Paketa që dorëzuam në Kuvend nuk është thjesht një nismë partiake e opozitës. Ajo sjell në Parlament zërin e shoqërisë që proteston kundër shkatërrimit të Shqipërisë nga një qeveri që deri më sot e ka trajtuar vendin si pronë private.
